Smiling Faces

Selebrashon 3 aña!

2008-06-15T10:33:00.006-04:00

Diasabra 31 di mei Smiling Faces a selebra su di tres aniversario na Caracasbaai.

Den un ambiente relaha, nos a pasa algun ora huntu.

Ata algun potret di e dia:

Preparando Wega

Tio Lyndon ta haîa kora pahunga ku zip habri!

Komementu:

Aki Smiling Faces a kuminsa train pa hunga bou lus!!

7 Guerero!

2008-05-29T10:59:00.005-04:00

Diadumingu dia 18 di mei, weganan tabata na Willemstad.

Lastimamente nos no tin detallenan (ahinda) di e resultadonan.
Si ta asina ku ta tin 6 Gurerero di Smiling Faces. ku a bai huntu ku unu (Pikero) di Q'60 tur e "Gueranan":
Jesuel, Ray, Dean, Cody, Rio i Justin.
Despues atardi nan a bishita "vlootdag".
Di esaki nos tin algun potret:

Di nos koresponsal:

E muchanan tabata net net dus ta un presentashon nos mucha nan a duna paso nan a hunga tres wega tras di otro sin ku tabata tin posibilidat di kambia hungado. Pa kolmo e dia ei tabata e delaste dia di vlootdagen dus e avionan a bula riba nos kabes hala tur hende su atenshon.E resultado nan ta lo siguiente:Smiling Faces 0 – Scherpenheuvel 1
Smiling Faces 1 – SUBT 2
Smiling Faces 1 – Willemstad 0
Smiling Faces 1 – Saliña 2Tur nos tres golnan a wordu hinka dor di Dean. Despues di esei spontaneamente un grup a disidi di bai vloordagen nan huntu. Nos a subi barkunan, topa hende konosi. Nos a pasa un ratu alegre.

Runela.

Otro diadumingu di Orfik.

2008-04-21T08:22:00.004-04:00

Ayera nos tabatin otro diadumingu di Orfik, e biaha aki na Sherpenheuvel.

Smiling Faces a hunga 2 bon wega i reforsa Q'60, den dos otro.

Nos prome wega nos a perde kontra Atletiko Saliña 1-2, ku gol di Luigi.

E di dos wega, nos a perde 0-3 kontra Scherpenheuvel.

Den e weganan ku nos a reforsa Q'60, nan a empata 0-0 kontra Scherpenheuvel i perde 0-1 kontra SUBT. Akinan un biaha mas, nos muchanan a hunga bon.

Lastimamente nos no tin potret, pero nos tin e debut di Smiling Faces den Q'60 su U-11!

Diasabra William a debuta den defensa di Q'60!

Tremendo Koperashon.

2008-04-11T07:25:00.006-04:00

Diadumingu 6 di April, Smiling Faces tabatin organisashon di Orfik na su enkargo.

E weganan tabata na tereno di Q'60. Tabata un dia super exitoso!

Nos prome wega nos ta empata na sero ku SUBT i den nos di dos partido, kaminda nos ta estrena nos uniform nobo, nos ta gana Q'60 2-1. Aki Jesuel i Romy ta anota.

Mientras ku e partidonan tabata tuma luga nos bar i kushina, ku koperashon di nos mayornan, tabata bende pio ku Esperansa snack!

Potretnan Sosial

2008-04-03T10:19:00.007-04:00

E ultimo siman aki parti di nos familia tabata presente na dos aktividat.

wega di selekshon kontra Nicaragua
Romario na SDK!

ata algun potret:

Smiling Faces den mal racha!

2008-03-10T11:31:00.004-04:00

Diadumingu (9 di mart), nos tabata di bishita na Scherpenheuvel.

Despues di hopi tempu(2005!), nos no a gana of empata, riba un diadumingu.

Nos prome wega nos ta perde frente SUBT 2-4, ku golnan di Romy i Luigi.

Den di dos partido, nos ta perde kontra Atletiko Saliña 1-3, aki Ray ta salba honor.

E siman aki nos a bolbe reforsa Q'60 den dos partido.

Nan tambe ta perde dos wega. Kontra Exellance 1-2 i Scherpenheuvel 0-1.

Lastimamente, nos no tin potret di wega, pero nos ta pone e potret di siman di Napa:

Apertura 2008

2008-02-26T17:06:00.006-04:00

Diadomingu tabatin e apertura di ORFIK den SDK.

E timnan a reuni pafo riba parkeer plaats i riba tono di Brass Band a marcha drenta stadion.

Aki nan a wordu saluda pa e publiko. Despues di e parti ofisial ku Himno i diskurso di presidente di ORFIK, Sr.Ibi Schoop, e partidonan a kuminsa.

Manera palabra nos ekipo huntu ku Q'60 a reforsa otro den nan respektivo patidonan.

Nos U-10 den nan prome partido di aña a sali gana Scherpenheuvel 1-0, ku gol di Dean.

E siguente partido nos a reforsa Q'60, ku ta tin 3 hungador so, i nan ta perde 1-3 kontra Wishi/Marchena, aki Ray a sa di anota su prome gol den U-10.

E di dos i ultimo wega di Smiling Faces tabata kontra SUBT i aki, nan tambe ta kai 1-3 atrobe Dean ta anota!

Por ultimo reforsando Q'60 den esaki su di dos partido nan ta perde 0-2 kontra Genesis.

Nos ta yama danki na tante Runela, tante Marcia i tante Anoushka(ku tabata bek pa pone ordu) ku a dirihi e muchanan e mainta aki.

Afiliashon Q'60.

2008-02-26T15:34:00.005-04:00

Diasabra 16 di februari, ta tin e reunion ku Q'60, pa ku e posibel afiliashon di Smiling Faces ku Q'60. Despues di introdukshon di esnan presente, kada organisashon a duna un relato kon nan ta funshonando i kiko nan ta pensa pa futuro. Pa hasi e historia kortiku, Q'60 a asepta nos ku man habri.

Puntonan ku mesora a palabra:

Tres hungador (Gedeon, Jesuel i Garrick) ta bai afilia na Q'60 su U-11.
SF i Q'60 ta bai reforsa otro durante e weganan di Orfik, teniendo kuenta ku e problema di hungadornan ku ta preparando pa Santa Comunion.
SF's ta bai asisti Q'60 na Orfik pa falta di lider i mayor.
SF's ta bai asisti U-11, teknikamente. Tio Roberto i tio Leo lo kuminsa ku esaki.
Den kampeonato di U-11, 2008-2009 Q'60 lo tin dos ekipo. Un di nan e base lo ta Smiling Faces.

Nos ta kere ku tur dos organisashon lo benefisia di e union aki i sigur nos hungadornan ku awor, dado kaso nan talento ta sobresali, por milita den e siguente categoria durante kampeonato hubenil di FFK.

Kerst Dinner 2007

2008-02-26T15:05:00.007-04:00

Diavierne 21, nos a sera aña ku nos kerst dinner.

E aña aki Fam.Bernadina a habri su portanan pa nos i catering tabata na encargo di mama di Luigi. Nos a come dushi i sera aña huntu den dushi ambiente.

Ofisialmente nos a despedi di Gedeon, Jesuel i Matthew ku ya a pasa e edat pa hunga Orfik.

Nan a haña nan karnet oficial komo rekuerdo i un banner meskos ku e otro muchanan.

Finalmente,

Tio Leo a desea tur hende un Bon Pasku i Feliz aña nobo.

2008 mester bira mas miho ku 2007

SMILING☺FACES!

Klausura ORFIK 2☺☺7

2008-02-23T09:27:00.012-04:00

Diadomingo 9 di December tabata tin e klausura di Orfik den SDK.

E prome partido di Smiling Faces tabata den U-10, i nos ta perde 0-1.

Pareu ku e partido aki, William a bai reforsa New Song ku tabata falta hungador.

Romy tambe a forma parti di un kombinashon ku a enfrenta Scherpenheuvel.

Den nos prome wega di U-8, nos ta gana Mahuma 2-0.

Aki esnan ku a anota tabata:.............................................................

E di tres partido di Smiling Faces tabata den U-10 i nos ta bolbe kai chiki ku skore di 0-1, kontra Genesis.

Nos ultimo partido di 2007, ku tabata den e wega historiko kaminda Smiling Faces a hunga su ultimo partido den U-8, nos ta gana Q'60, konvincentemente 2-0!

Esnan ku a anota pa ultimo biaha den U-8 tabata:.......................

Na final di dia a organisa wega den kada kategoria entre Pariba i Pabou.

Den U-8, Pariba ta gana 1-0. Pa smiling Faces a hunga William den gol. I e la hasi bon trabou teniendo su gol limpi.

Den U-10 tambe pariba ta gana ku skore di 3-0. Pa Smiling Faces a hunga Dean.

Atrobe nos a sera aña eksitoso!

Miho lat ku nunka!

2008-02-23T08:55:00.002-04:00

Pa motibu di e trabounan organisatorio dia di BBQ, nos mester a bai buska e detallenan di goliador serka sra.Teresa. Pero ata nan aki por fin.

Primeramente, komo ku Exellance no a presenta ku U-8, mester a improvisa i traha un combinashon pa hunga nan weganan.
Den e prome wega Smiling Faces/Scherpenhuevel ta gana Willemstad 4-2.
Esnan ku a hinka gol di parti Smiling Faces : Ray i Rio 2x.
Despues Smiling Faces ta hunga kontra Scherpenheuvel i ta gana 3-1. Golnan di Ray 2x.
E siguente wega Smiling Faces mester a bin di atras pa empata ku Q'60 3-3.
Despues ku nos tabata atras 3-1 ku gol di Ray, William ta bin for di U-10, ku tabata hungando parew i ta anota dos gol!
E ultimo wega tabata kontra combinashon i nos ta gana 4-3. Romy ta hinka dos gol i Cody un gol.
William ku a hunga pa e combinashon tambe a hinka un gol!
Den e ultimo wega aki, Jordan a para keeper den tremendo forma!

Den Super Baby nos ta perde kontra Q'6- 1-3, ku gol di Brian. E di dos wega nos ta gana Exellance 1-0, ku gol di Gedeon i nos ultimo wega nos aperde 1-0 kontra Willemstad.

Keda pendiente, ora nos haña potret di wega nos lo pone nan, tambe nos falta dos gol den e resumen!

Exitoso BBQ Fundraising!

2007-12-03T08:41:00.000-04:00

Tuma:

Hasa:

Parti:

P'esnan ku nos a hasie!

Combo relato!

2007-11-24T11:47:00.000-04:00

Awe nos ta publiká e relatonan di e último dos fecha den stail di combo.

Primeramente e weganan di 4 di novèmber ku a tuma lugá na Q’60.
Aki nos hóben ekipo di U-8, ta sali gana Willemstad 2-1, ku golnan di Jesuel i Romy.
Nan di dos wega nan ta kai vensí 1-3 kontra e tim di kas, Q’60.
Den e wega aki Lyandro un biaha mas ta anotá.
Den na último wega, den un partido kayente i bon bringa nan ta empatá 3-3 kontra di Exellance. Luigi ta anotá 2 biaha i Jesuel ta hinka su di dos gol di e mainta.

Den U-10, nos ekipo ta bataya fuerte i ta saka tres empate!
Nos promé dos partidonan ta terminá empatá sin gol frente Willemstad i Scherpenheuvel. Den e último partido, Garick ta skapa nos di un derota anotando kontra SUBT, asina e partido ta terminá 1-1.

------------------------------------------------------------------------------------------------------------

E weganan di 18 di Novèmber den Rif, nos a partisipá den U-10 so.
E promé partido kontra e fuerte ekipo di Marchena nos a kai vensí 0-3. Un bon wega kontra un fuerte ekipo.
Di dos wega nos ta gana, ku gol debutante den U-10 di Romy, 1-0!
Nos tin ku apuntá ku Romy a hinka gol den tur e último 6 fecha nan di Orfik!!!!

Lástimamente nos no por kompaña e relatonan aki ku e potrètnan di kustumber.

Hopi aktividad social!

2007-10-22T09:36:00.000-04:00

Cruijf Court 1:

Despues ku awa seru a para nos weganan diadomingo 7 di oktober. Nos a improvisa un dia di familia na Cruijf Court. Esaki a resulta un éxito rotundo! Mayoría familia tabata tei i nos a hunga bala dushi. I mesora tur hende a pidi pa ripiti!

Filmavond:

Diasabra 13, nos a tene nos filmavond na kas di Tante Shirma i nos a wak 2 pelikula.
Gracie, un mucha muhe ku ta bai hunga bal den team di mucha hombre na skol i Transformers! Nos a kome hot-dog, popcorn i gosa hopi.

Training kontra team di Coerver:

Diawebs 18 nos a train kontra e muchanan ku ta train e systema di Coerver den SDK.
Den tur dos wega nos a sali domina pero después nos ta hunga un tiki brua i nos ta haña gol kontra. Nos ta perde den U-8, 0-4 i den U-10, 3-5.

Cruijf Court 2!:

Ya ku no ta tin wega plania pa diadomingo 21, riba petishon, nos a plania un di dos dia na Cruijf Court. Atrobe tabata tin un dia placentero i durante e mainta nos a entrega Tio Rene su medalla di ORO, komo ganador absoluto (40-49 aña) di kareda di Mundu Nobo, ku a tuma lugar 30 di september.

Smiling Faces ta keda presta!

2007-10-06T07:04:00.000-04:00

Atrobe nos muchanan a duna bon presentashon den e torneo di Orfik tene na Willemstad, diadumingu 23 di september.
Den U-8, después di tabata atrás 0-1, kontra Scherpenheuvel, Romy ta empata e wega i después Ray i William ta hinka gol pa nos gana 3-1. Nos di dos wega tabata kontra Willemstad i nos ta ganana 7-0. Esnan ku a hinka gol ta: Cody 3x, Jesuel 2x, Justin i Luigi.
Den nos ultimo partido Smiling Faces ta empata 1-1, kontra Exellance.
Nos tin ku bisa si ku Exellance a hunga ku hungador grandi, después di reklamo nan a saka unu, pero después ora a bai wak lista di hungador nan tabatin tres mas!
Nos ta kontentu si, esaki ta mustra ku mayoría di nos muchanan di U-8 ta kla pa U-10.

U-10 tabatin un dia ku dos wega tof. Den e prome partido, kaminda SUBT tambe ta sali alinea un hungador grandi (U-13!), nos ta empata na 0-0. E wega tabata hopi bon i nos muchanan ta kuminsa kompronde e kambio di U-8 pa U-10.
Nan di dos partido ta kontra e fuerte equipo di Scherpenheuvel i aki si nan ta kai venci 4-0.
Scherpenheuvel ta e equipo mas fuerte den U-10, ku varios hungador ku a bira kampeon den U-11 di FFK. Pero prome ku aña kaba nos lo gananan!

Por Fin!

2007-09-14T08:55:00.000-04:00

Despues ku orkan Dean i un otro mas a para dos djadumingu di Orfik, e di dos parti di aña a kuminsá na SDK, serka Exellance.
E promé wega di Smiling Faces tabata den U-10. Aki nos a topa e ekipo di Willemstad i nos a gana 7-0. Esnan ku a hinka gol tabata Dean 3x, Garrick 2x, i Luigi 2x.
Nos siguiente wega tabata den U-8 kontra SUBT. Den un tremendo partido wega ta kaba 2-2 ku golnan di Romy i Justin (pinalti).
U-8 i U-10 su di dos wega ta kontra Exellance pareu i nos ta gana den U-10, 2-1. Ku dos gol di Dean. Riba e vèlt di Baby si Exellance ta saka sla i gana 4-0.
E último wega di U-10 tabata kontra Q’60 i nos ta pèrdè 2-1, aki Matthew ta salba honor.
Nos último wega di dia tambe ta kontra Q’60 den U-8 i e wega ta kaba empatá na un gol.
Luigi ta hinka e gol den e partido aki.
Nos muchanan a hunga bon i ku hopi gana riba e djadumingu aki.

Tur hende a bai kas kontentu!

Keepers training.

2007-07-16T13:24:00.000-04:00

Den luna di yüli i ougùstùs, Jozef”Papito”Nivelac ex-portero di selekshon, a tene un klínika di tres siman pa kiper den SDK. Di Smiling Faces a partisipá: Jesuel, Jermy, Cody, Matthew i William. Ku hopi entusiasmo nan a siguí e klínika i a siña hopi.

Ata algun potrèt di nan trainingnan:

Coerver training

2007-06-29T19:14:00.000-04:00

For di luna di mei Sr.Joep Haan i Sr.Marc van Eijk a tene trainingnan basa riba e sistema di Wiel Coerver. Smiling Faces tabatin kuater hungadó ku a partisipá den e entrenamentunan aki. Luigi nos hungadó nobo tambe a partisipá.

Seis siman nan a train 4x pa siman! Bosnan por komprondé ku esaki a eksihí hopi, tantu di e muchanan komo e mayornan. Pero mi ta kere ku al final tur mayor a mira fruta di e sakrifisio. Aki mi ta pone algun potrèt pa bosnan haña un bista kiko a sosodé.

E intenshon ta pa nan demostrá i pasa loke nan a siña pa esnan ku no a partisipá.

Mi ke pidi mayornan pa stimulá bosnan yunan pa train esakinan na kas! E ta importante pa nan desaroyo (i lo fasilitá mi trabou!).

Mi ta spera ku pronto nos por hasi algu ku links via YouTube, pa bosnan haña video mira.

Super Baby tambe ta aden!

2007-06-17T22:49:00.000-04:00

Djadumingu tabata un dia históriko pa Smiling Faces. Pa promé biaha nos a hunga den U-10! Komo ku nos tabata falta algun hungadó, nos a haña refuerso di Rudion Virginie (Scherpenheuevel).

E ekipo a hunga primeramente kontra Wishi/Marchena i ta empatá na1 gol.
Dean ta debutá bek den Smiling Faces i ta hinka un tremendo gol di chalaka!
E di dos wega kontra e fuerte ekipo di New Song, nos ta kai vensí ku skore mínimo di 1-0.
Den baby, nos ta logra tres viktoria, tur ku skor di 1-0. Promé nos ta gana Exellance ku gol di Romy(5), despues Luigi ku ta debuta den Smiling Faces, ta anotá pa nos gana di Génesis Boys.

I den e último partido, kontra Tera Kora, Liandro ta hinka su promé gol!
Pabien, na tur nos muchanan. Nan tur a sa di hasi nan bèst awe, sigui asina.

Sin palabras:

2007-06-15T23:37:00.000-04:00

Hopi wega bon!

2007-06-04T08:46:00.000-04:00

Djadumingu (3 di yüni) nos a bai hunga bala na Q’60.
Den e promé wega nos a hunga kontra CHM i nos a gana 3-1.
Romy ta hinka 2 gol i Rio tambe ta bora nèt un biaha, pa su prome gol di kampeonato!
Nos siguiente wega tabata kontra Scherpenheuvel.
Den un bon wega ku ta sali empatá na 2, William i Cody ta skore.
E último wega a bai kontra e tim di kas i aki nos ta empatá 1-1, ku gol di Cody. Nos a hunga hopi bon awe, tur hende a hasi nan bèst!

Check kon Ray tin henter e ekipo di Mahuma den gol!

Tremendo selebrashon!

2007-05-29T12:02:00.000-04:00

Djadumingu Smiling Faces a selebrá su di tres aña na kas di Ray.
E muchanan a landa den pool i na kantu e tatanan tabata buska moda di haña sapatu pa bisti vaderdag! Miéntras tantu, Segniori Rene Gabriela tabata traha duru na su fòrnu, preparando pizza pa nos kome. Tur hende a kome te pidi mas. Finalmente e muchanan por a wak e DVD: Brazil in the street , pa inspiranan, kiko nan por pone e bala hasi. Tambe William a modelá nos unifòrm nobo ku nos lo bai hunga ku n’e próksimamente.
Nos a pasa un dia hopi kontentu i ta yama danki na Famia Gabriela kompletu, tambe na Alexien ku a treat nos ku tremendo pastechi!

Tuti Bella Fiesta!

Gol mundialista!

2007-05-22T08:59:00.000-04:00

Riba un dia ku hopi stof, na Tera Kora, nos muchanan a sabi di keda invikto. Den e promé wega, kontra e tim di kas (e muchanan di Tera Kora a krese bira masha grandi den 2 siman!) nos ta empatá na 1. Justin a hinka gol. Nos di dos wega nos ta gana Wishi/Marchena 1-0, ku un gol mundial a la "Van Basten", di Jesuel. Wak e potrèt i nota e ángulo di tiru!

Hopi gol pa mira!

2007-05-11T09:23:00.000-04:00

Ku un ekipo inkompleto i ku algun hungadó ku un tiki kebrante di salú, djadumingu 6 di mei nos a hunga na fèlt di Genesis, na Mundu Nobo.
E promé wega nos a hunga kontra Exellance i nan a bin desidido pa nos i nos ta bin pèrdè 5-1. Justin a logra pa salba nos honor den e wega aki.
Basta dia nos no a haña sota asina. Pues nos tin ku train duru pa evitá ripitishon!
Nos di dos i último wega nos a hunga kontra Tera Kora i nos a bin gana 5-0
Atrobe no nos mihó wega, pero tin dia asina.
Goliadónan den e wega aki tabata: Ray(2x),William, Cody i Jordan.

Otro djadumingu kontentu!

2007-04-24T12:18:00.000-04:00

Riba un dia kaluroso, sin bientu, Smiling Faces a hunga kuater wega sin pèrdè!
Den e promé partido nos muchanan ta sali ku hopi gana i ta bai ariba 3-0 kontra di Mahuma. Golnan di Jesuel, Romy i Ray. Pero Mahuma ta bin duru bek ku 2 gol i wega ta kaba 3-2 pa Smiling Faces.
Seguidamente nos ta topa ku Steenrijk i nos ta empatá na 1, ku gol di William.
Nos di tres partido nos ta gana Marchena 1-0, ku gol di Romy .
Finalmente nos ta hunga kontra di Willemstad i maske ku nos a haña hopi gol pa hinka (e pianan no por a duna mas!) nos ta empatá 1-1. Den e wega aki nos a hunga tweede helft kompletu ku nos hungadónan mas hóben i Jordan por a demostrá su kalidatnan di defensa pa promé biaha. Jesuel tambe a para kiper pa promé biaha den un wega i a hunga bon salbando su gol hopi biaha. William a hinka gol den e wega aki.
Pabien na tur e muchanan!

Dean ta zueif!

2007-04-10T09:35:00.000-04:00

Wak su pianan fo’i suela!
Manera bosnan sa Dean ta “uitgeleend”na Scherpenheuvel.
Den e promé dos fechanan e la hinka 6 gol!

Nos ta deseá ku e tin hopi gol mas na kaminda (ku e pia links tambe!).

1 Aprel!

2007-04-06T13:19:00.000-04:00

Awe mainta e wer a pone tur mayor kere ku nan por a skapa e kareda pa Porta Blanku, pero finalmente tur a kumpli i nos a hunga bala dushi ku un wer nubla sin ku solo tabata kima.

Komo ku 4 ekipo no a presentá awe, a adaptá e durashon di weganan na 20 min. pa banda.
Nos a hunga 2 partido, e promé nos a tabla den un bon wega ku hopi akshon kontra Scherpenheuvel 0-0.
E di dos partido nos a gana di Exellance 2-0. Ku gol di pinalti di Justin i un tiru fulminante di Jesuel!
Siguiente fecha ta di 22 di Aprel. E dia aki nos ta kuminsá ku nos kompetensia di tira pinalti.
Keda pendiente pa mas informashon!

Apertura Orfik 2007!

2007-03-30T10:43:00.000-04:00

Por fin e dia a yega!

Kampeonato Orfik 2007 a kuminsá den stadion di Rif, djadumingu 18 di mart. Tabatin un desfile ku a sali for di SVB i e diskursonan kustumbrá.

Despues di preparashonnan intensivo porfin nos muchanan por a estrená nan shirt blanku nobo di Italia.
Den nos promé partido di aña, SF ta sali golia e ekipo di New Song 5-0.
E golnan a keda anotá pa Justin 2x, Cody, Ray, i nos debutante Jordan Rosaria!
Den e di dos partido si nos mester a baha kabes pa e ekipo di Steenrijk 0-2.
Por último, nos ta start e mashin di gol bek i saka sla riba Q-60 ku otro triunfo di 5-0!
Goliadónan tabata: William 2x, Jesuel 2x i Jordan ta bolbe laga tende di dje.

Nos ta yama danki na mayornan i fanatiko ku a bin apoyá i na coach Rene i coach Lyndon, ku a guia nos muchanan den e weganan.
Djadumingu 1 aprel weganan ta sigui na tereno di Porta Blanku organisá pa S.V.Scherpenheuvel.
Nos ta spera tur hende bek ku hopi animo!

Fiesta di Pasku

2007-02-22T17:02:00.000-04:00

Dia 16 di desember Smiling Faces a selebra fiesta di Pasku ku un tremendo "kerstdiner" pa e hungadornan serka Anoushka i Lyndon, mayornan di Dean. Tambe na e okashon aki a tuma despedida di Dean i Brian ku pa motibo di nan edad no por hunga mas den e kategoria di "baby". Nan a risibi un collage di potretnan di e temporada ku nan a forma parti di e team. Nan tabata hoopi kontentu ku esaki. Dean tabata tin mag di keda ku su flanel di Brazil number 10 den kua e la skor hopi gol pa Smiling Faces i tabatin un bunita speech di gradisimento.

Tabatin un bunita kor di algun alumna di MIL ku Rosita a trese pa nos por disfruta. Anoushka i Lyndon a decora bunita i riba di un screen grandi nos por a disfruta di e delaster wega pa anja 2006 di Smiling Faces kaminda nan a gana tur wega! Despues e muchanan por a disfruta di e film "Barnyard".

Tabata hoopi gezellig! Un danki speshal ta bai na Leo & Marcia pa nan esfuersonan pa e team. Tambe un danki speshal na Anoushka & Lyndon pa a "host" e anochi bunita aki.

Tim di anja Baby 2006 di Orfik

2006-12-18T18:08:00.000-04:00

Smiling Faces a gana dos premio Orfik 2006:

1. Tim di aña U-8
2. Dirigente di aña

Nos a proba ku por laga mucha hunga i presta sin e preshon di ganamentu i nos a wòrdu rekonosé pa esaki!

Torneo na SDK 17 desember 2006

2006-12-18T17:58:00.000-04:00

Smiling Faces ta sera aña 2006, di un manera espektakular.

Na klousura di Orfik 2006, Brian(4) i Romy(1) ta anotá mitar di e golnan di Smiling Face's den SDK! Ku e gol di Romy, tur hungadó di Smiling Faces a hinka gol den kampeonato 2006! Nos a hunga 3 wega i no a risibí gol kontra tampoko.

Den un partido extra di kombinashon di tim, Dean ta anotá un gol i William ta tene su gol limpi ku algun hungada grandi!

Resultado:
S.F's v/s Exellance 2-0 (Jesuel/Dean)
S.F's v/s Willemstad 4-0 (Brian3x/Dean)
S.F's v/s New Song 4-0 (Dean2x/Brian/Romy)

Torneo 3 desember 2006 kansela pa motibo di awa seru

2006-12-18T17:55:00.001-04:00

Jammer!

Torneo na tereno di New Song

2006-12-18T17:50:00.000-04:00

Djadomingu 19 November 2006

Nos ekipo no tabata kompletu i nos a kombina ku CHM ku tampoko no ta tin hopi hungado(3).
Nan tabatin algun hungador di ± 4-5 aña i nos hungadornan mester a korre hopi!
Nos prome wega nos a perde 7-3, ku dos gol di William i un outogol di Q'60.
E di dos nos a perde 5-0 kontra Genesis Boys.
Finalmente nos a saka un punto ku un empate na 1-1 kontra New Song.
William i Ray a kombina tremendo den e weganan i William a hinka tur 3 gol!

Beachday na Daaibooi

2006-11-07T16:10:00.000-04:00

Despues di e tornea na tera Kora nos a bai beach di Daaibooi pa pasa un par di ora kant'i laman. E muchanan nos no a miranan mes, henter ora nan keda den laman. Leo a bin ku su ekipage di snorkel i a guia e hungadonan i algun tata pa sitionan bunita den laman.

Rosita a bin ku 6 galina di Milucha i Rene a traha su aros brua riba konfo, lekker joe. Nos a pasa dushi meskos k'e wimpirinan.

Torneo na Tera Kora

2006-11-07T15:59:00.000-04:00

E dia aki nos Smilingfaceros a hunga dos wega so pasobra nos a plania un beachday.

SF - Willemstad: 4:1 (Dean ahinka tur)
SF - Marchena: 0:0

Ya tin dos torneo tras di lomba ku niun wega perdi! Tin un stijgende lijn.

Torneo na Mahuma

2006-10-22T17:35:00.000-04:00

Awe tabatin torneo na veld di Mahuma. Smiling Faces a hunga hopi bon. Justin a sabi di tene hopi bala afo kontra Marchena. Tur e goalnan ta Dean a score. E la yega 51 goal den e torneo aki!

Smiling Faces - Steenrijk: 2-1
Smiling Faces - Scherpenheuvel: 1-0
Smiling Faces - Marchena: 0-0

Gibi tabata buska riba e borchinan pa wak ku ken Smiling Faces mester hunga. E la topa ku un nomber hopi kreativo pa e team, lo siguente: Smilay Fish. Aki dos siman e ta kambia den Smelly Fish.

Dia di Wishi/Marchena

2006-10-22T17:23:00.000-04:00

Dia 8 oktober tabata "Dia di Wishi/Marchena". Nos tabata 9 uur na misa di Wishi, pa despues di misa nos kana tras di un brassband bai e veld di bala. Nos a hunga 3 wega: gana 1, tabla 1 i perde 1. Brian en Dean a hinka kada un 1 gol.

Hits

2006-09-26T18:23:00.000-04:00

Klik aki pa mira kwantu hits nos a hanja riba nos website i for di kwa pais.

Torneo na Q'60

2006-09-26T18:14:00.000-04:00

Diadomingo a kontinua ku e weganan di Orfik na Q'60.

Resultadonan:
SF's - Wishi/Marchena: 0-0
SF's - Exelance: 2-1 (Dean i Cody)
SF's - Mahuma: 0-1

Nos a hunga 7 wega e week-end aki! Nos tin ku kustumbra hunga week-end asina aki ku hopi wega, pasombra si nos bai hunga torneonana afo ta asina lo bai!

Torneo Wishi/Marchena

2006-09-26T18:07:00.000-04:00

E week-end ku a pasa nos muchanan a hunga hopi futbol. Tantu diasabra komo diadomingo! Primeramente diasabra en konekshon ku selebrashon di siman di kultura, e organisashon wishi/marchena a invita nos pa un torneo chiki. Nos a kombina huntu ku Exellance i tabata un dia exitoso. E muchanan a hunga pa prome biaha 4 wega.

Resultadonan pool:
SF's - Wishi/Marchena: 1-1 (Jundrick di Exellence)
SF's - Steenrijk: 2-2 (Dean i Justin)
SF's - Skerpene: 2-1 (Dean 2x)

Final: SF's - Steenrijk: 0-3

Den final tabata bisto ku e di 4 wega aki, den e kalor inmenso di temporada, tabata di mas pa nan,pero nan a lucha te final.
Pwes nos a titula sub-kampeon!

Link importante

2006-09-26T17:52:00.000-04:00

E link aki ta di sumo importansia: http://www.bettersoccermorefun.com/dwtext/acknwldg.htm

Manera nos tur a siña, tin mas ku un kaminda pa jega Roma! I den futbol tambe tin mas ku un manera pa siña hunga bala. Pero pa kompronde otro, nos mester purba di kana riba mesun kaminda si nos ta traha huntu.

E site aki, mi ta kere, ta e miho i mas simpel presentashon (ku mi a haña te ahinda), di loke ta wordu jama de Zeister Visie. Check e.

E autor (merikano) ta komplementa e sistema, ku pensamentunan merikano. Loke mi tambe ta kere aden. Mi maneho tekniko, ku mi ta hiba, por wordu haña bek riba e site aki.

Mi ta pidi bosnan tur pa pasa den e materia i asina bosnan tur por juda ke parti tekniko si ta nesesario. Si tin algu ku mester di mas splikashon, bin puntrami.

Leo

Comments

2006-09-14T21:22:00.000-04:00

Shonnan, tin posiblidad pa pone bosnan commentarionan riba nos website. E ta fasil i e ta hasi e site hopi mas bibu. Bou di kada post (artikulo) bo ta mira un link ku jama comments. Klik riba e link aki i un scherm lo habri pa traha bo comment.

Klik riba e image akibou pa hanja sa kon bo tin ku jena e comment:

Rugnummer

2006-09-14T20:59:00.000-04:00

Nos uniform no tin rugnummer ainda. Ta pesei nos ke pidi tur hungado entrega su t-shirt (di Italia) serka Leo o Marcia djadumingu ora nos ta na Q'60 dia 24. Despues di wega naturalmente!

Hungado: skohe e number ku bo ke.
Major: label e t-shirt pa nos sa kwa t-shirt ta di kwa mucha i tambe skirbi riba dje e number ku bo joe ke komo rugnummer.

SF's na Sufisant

2006-09-14T19:40:00.000-04:00

Den un kalor inmenso e weganan a tuma lugar na Sufisant. Den e partidonan aki nos a invita Jurendick(?), joe di coach Juni di Exelance, pa reforsa nos.

Nos prome enkuentro, SF's tabata gana 2-0, pero no por a mantene e ventaha i Marchena ta bin gana 2-5. Den e di dos partido frente Q'60, nos ta kai atras pero ta bin empata e wega. Nos a duna algun mucha di Skerpene chens pa hunga ku nos, komo tabatin un problema ku nan inskripshon. Un hungador di nan a anota e gol. Asina e wega ta termina 1-1. Nos di tres wega kontra di Mahuma tabata un bon wega ku ta kaba empata na dos.

Smiling Face's - Marchena: 2-5 (Dean + Justin)
Smiling Face's - Quick '60: 1-1 (Dean)
Smiling Face's - Mahuma: 2-2 (Dean 2x)

Proximo weganan di Orfik lo ta na Q'60 (Semikok) dia 24 di September.

Plan di desarollo U-8

2006-09-04T10:45:00.000-04:00

Deporte en general ta rekeri pa surpasa resisitensianan spesifiko.
Den futbol esakinan ta e.o.:
bala, tereno di wega, kontrikante, kondishon, fisika personal, regla di wega, weer, kondishon di tereno, emoshon, publiko, etc.

E resisitensianan aki ta wordu inkorpora den un plan di desrollo dependiendo di edat di e mucha.
E plan ta basa riba e.o. habilidatnan fisiko i mental.(di kada edat i madures di e mucha)

Futbol den edat aki ta wordu presenta den un manera :

Rekreativo i Edukativo i NO Kompetitivo!

Obhetivo General U-8 :
Siña e mucha, den un ambiente agradabel, kontrola e bala den relashon ku :
1. Tempu       (kuantu tempu nan tin nan so ku e bala pa ehekuta akshon).
2. Espacio      ( ,,      ,, espacio ,,   ,,    pa traha ku e bala).
3. Velosidat   (di e bala i nan mes , para of koriendo).
4. Direkshon

Tur esaki ku e obhetivo pa kumpli ku e akshon nan di wega di bala manera:
mik, skor, kontrola e bala, samen-spel, kita bala etc.

E medionan pa esaki ta:
• Training
• Wega

Methodonan basiko pa train (ku man i pia):
• Kontrola bala trankil, den un area habri, su so ku bala.
• ,,        ,,     ,,       ,,     , rond di pilon of den liña.
• Teknikanan basiko di skop riba un meta e.o. pase i gol (diferente tamaño)
• Wega nan 1:1, 2:2, 3:2, te 5:5.
• Siña reglanan di saka: outbal ku man, sake di gol, corner etc.
• Train habilidadnan di keeper na kada mucha, basa riba kada mucha su interes pe posishon. (Keeper ta un posishon di kurashi i konfiansa, no por eksihi e mucha na e edat aki pa “perform” si e no gusta, pero siñe mas tantu ku ta possible paso den wega tur mucha mester hunga un tiki den gol!)

Material:
• Bala pa kada mucha
• Pilon (of botter limonada 2 lt.)
• Hesjes

Puntonan di atenshon:
• Diversifikashon den training
• Trese tur e situashonan di wega den training
• Hasi uso di e mundu di fantasia di e mucha.
• Tene kuenta ku e tempu limita di atenshon di e mucha.
• No pone ekspektativa haltu pa “samenspel”, den e edat aki e mucha ta pensa :  ”Ami ku e bala “!
• No papia hopi, mustra i laganan imita
• Hasi maximo uso di tempu pa train, no perde tempu i mal kustumbra!
• Hasi ta miho ku splika.
• Tene kuenta kon e mucha su “mooth” ta.(E por ta kansa, tin soño,hamber, etc.)
• Tur training mester kaba ku wega di bala!!!Mas nan hunga mas nan lo siña!!!

Despues: U-10!

Na e nivel aki e mucha mester a siña e reglanan basiko di futbol, domina i kontrola e bala pa hasi pase i skop dirihi.
Aki e ta wordu siña e base pa “samenspel” i e ta kuminsa rekonose “Teamwork”.

Kids Soccer First

2006-09-04T10:34:00.000-04:00

Den e sidebar tin un link nobo ku jama kidsfirstsoccer.com. E tin informashon over di e rol ku majornan tin den sport di nan junan.

Wega di Futbol riba bordji

2006-09-04T10:18:00.000-04:00

Ata un wega di Futbol riba bordji pa bosnan ku Leo a manda. Klik riba e pintura chikitu pa bo print e bordje. Akibou tin e reglanan.

Material:
1. Bala (Pion, Dopi, Boton, Fitcho, etc.)
2. Dow

Regla:
1. Tur hungador ta haña un gol (si tin tiki hungador nan por haña mas gol)
2. Tur hungador tin ku hinka auto-gol
3. Tur pion ta kuminsa mei-mei
4. Na beurt ta tira dow i kana ku pion
5. No por kana diagonaal (skuin)
5. No por pasa riba hoki sera

Variashon:
1. Tur hungador ta kies un gol otro, i einan e tin ku hinka gol
2. Esun ku tira 6 por tira atrobe.
3. Esun ku tira unu tin ku kuminsa di nobo.
4. Por hunga ku un bala i tur hende ta hunga ku ne so.

Pasa dushi ku nos wega di Futbol riba bordji i korda bati bo tata.

torneo na Willemstad

2006-08-28T15:32:00.000-04:00

Djadumingo ta tin torneo na veld di Willemstad. E resultadonan:

Smiling Faces - Tera Cora: 3-1
Smiling Faces - Mahuma: 1-2
Smiling Faces - Scherpenheuvel: 1-3

Dean a hinka tur e 5 goalnan.

Uniform nobo

2006-08-28T15:21:00.000-04:00

E beleid di Smiling Faces ta ke e uniform mester ta esun di e ganador mundial. Ta pesei, dia Brazil tabata karga e titulo ei, nos unform tabata di Brazil. Pero Italia a gana e ultimo WK i nos hungadornan a bai tienda kumpra uniform di Italia.

Despues di a kumpra e uniformnan Leo ta tin un 'surprise'. E ta bai start algu ku riksja's i Smiling Faces tabata esnan ka ta tin mag di test nan den kaja. Rene ku Gibi a soda masha tantu mes.